കൈപ്പുഴ: മികച്ച ആരോഗ്യപരിചരണവും ചികിത്സാ സഹായങ്ങളും രോഗികളുടെ വീട്ടുപടിക്കൽ നേരിട്ടെത്തിക്കുക എന്ന ലക്ഷ്യത്തോടെ കൈപ്പുഴ കാരിത്താസ് HDP ഹോസ്പിറ്റൽ ആരംഭിച്ച HDP ഹോം കെയർ സർവീസസ് ഉദ്ഘാടനം ചെയ്തു.
വ്യാഴാഴ്ച ഹോസ്പിറ്റൽ പരിസരത്ത് വെച്ചാണ് ചടങ്ങുകൾ സംഘടിപ്പിച്ചത്. കാരിത്താസ് HDP ഹോസ്പിറ്റൽ ജോയിന്റ് ഡയറക്ടർ ഫാ. ജെഫ്രിൻ തണ്ടശ്ശേരിൽ സ്വാഗതം ആശംസിച്ച ചടങ്ങിൽ ഡോ. വൈനി മാത്തൻ പുതിയ ഹോം കെയർ സർവീസസിനെക്കുറിച്ച് ആമുഖപ്രഭാഷണം നടത്തി. കാരിത്താസ് ഹോസ്പിറ്റൽ ജോയിന്റ് ഡയറക്ടർ ഫാ. ജോയിസ് നന്ദിക്കുന്നേൽ ചടങ്ങിൽ അധ്യക്ഷത വഹിച്ചു. നീണ്ടൂർ ഗ്രാമപഞ്ചായത്ത് പ്രസിഡന്റ് സവിതാ ജോമോൻ ഹോം കെയർ സർവീസിന്റെ ഫ്ലാഗ് ഓഫ് ഉദ്ഘാടനം നിർവ്വഹിച്ചു. ചടങ്ങിൽ കൈപ്പുഴ സെന്റ് ജോർജ് ഫൊറോന ചർച്ച് വികാരി ഫാ. തോമസ് പുതിയകുന്നേൽ, നീണ്ടൂർ ഗ്രാമപഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ അന്നമ്മ സജി, വാർഡ് മെമ്പർ സിന്ധു രാജു, ഡോ.സണ്ണി ജോർജ് എന്നിവർ ആശംസകൾ അർപ്പിച്ചു സംസാരിച്ചു. കാരിത്താസ് HDP ഹോസ്പിറ്റൽ അഡ്മിനിസ്ട്രേഷൻ മാനേജർ ജോൺ മാത്യു ചടങ്ങിൽ നന്ദി അറിയിച്ചു.
