കോട്ടയം: അബുദാബി ബിഗ് ടിക്കറ്റ് നറുക്കെടുപ്പിൽ 62 ലക്ഷം രൂപയുമായി ഭാഗ്യദേവത കടാക്ഷിച്ചത് കോട്ടയം മണർകാട് സ്വദേശിയെ. കോട്ടയം മണർകാട് സ്വദേശി അജിത് ഏബ്രഹാമിന് ആണ് അബുദാബി ബിഗ് ടിക്കറ്റ് നറുക്കെടുപ്പിലൂടെ 3 ലക്ഷം ദിർഹം (62 ലക്ഷം ഇന്ത്യൻ രൂപ) സമ്മാനം ലഭിച്ചത്.
ഭാര്യയ്ക്കും 3 കുട്ടികൾക്കുമൊപ്പം അജ്മാനിൽ താമസിക്കുന്ന അജിത് 5 സുഹൃത്തുക്കൾക്കൊപ്പമാണ് ടിക്കറ്റ് എടുത്തത്. അജ്മാനിൽ സ്പീഡ് മിഡിൽ ഈസ്റ്റിലെ സെയിൽസ് മാനേജരായി ജോലി ചെയ്യുകയാണ് മണർകാട് സ്വദേശിയായ അജിത്.
ബിഗ് ടിക്കറ്റ് വാരാന്ത്യ നറുക്കെടുപ്പിലൂടെയാണ് അജിത്തിനെ ഭാഗ്യദേവത കടാക്ഷിച്ചത്. സമ്മാനത്തുക ആനുപാതികമായി വീതിക്കുമെന്ന് അജിത് പറഞ്ഞു.
