പാലാ: ശനിയാഴ്ച രാത്രിയിൽ വിവിധയിടങ്ങളിലുണ്ടായ അപകടങ്ങളിൽ 5 പേർക്ക് പരിക്ക്. ബൈക്കും മിനി പിക്കപ്പ് വാനും കൂട്ടിയിടിച്ച് കുമരകം സ്വദേശികളായ യുവാക്കൾക്ക് പരിക്കേറ്റു. വിമൽ (27), ശ്രീജിത്ത് (20) എന്നിവർക്ക് ആണ് അപകടത്തിൽ പരിക്കേറ്റത്.
ഇന്നലെ രാത്രി 11.30 യോടെ അരുണാപുരത്ത് വെച്ചായിരുന്നു അപകടം. ഇടമറ്റം പൈക റോഡിൽ ബൈക്ക് നിയന്ത്രണം വിട്ടു മറിഞ്ഞ് ഇടമറ്റം സ്വദേശി ഹരിലാലിനു (39) പരിക്കേറ്റു. ഇന്നലെ രാത്രി 10 മണിയോടെയാണ് അപകടം. സ്കൂട്ടറും ബൈക്കും കൂട്ടിയിടിച്ച് സ്കൂട്ടർ യാത്രക്കാരൻ ചിറക്കടവ് സ്വദേശി ഗിരീഷിന് (35) പരിക്കേറ്റു.
രാത്രി 10 മണിയോടെ തറക്കുന്ന് ഭാഗത്ത് വെച്ചായിരുന്നു അപകടം. ഇന്നലെ ബൈക്കും ജീപ്പും തമ്മിൽ കുട്ടിക്കാനത്ത് വച്ച് കൂട്ടിയിടിച്ച് വണ്ടിപ്പെരിയാർ സ്വദേശി ദേവാനന്ദന് ( 20 ) പരുക്കേറ്റു. വിവിധ അപകടങ്ങളിൽ പരിക്കേറ്റ 5 പേരെയും പാലാ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.
