വൈക്കത്ത് കാറും സ്‌കൂട്ടറും കൂട്ടിയിടിച്ച് യുവതിക്കും 2 വയസ്സുകാരി മകൾക്കും പരിക്ക്.


വൈക്കം: വൈക്കത്ത് കാറും സ്‌കൂട്ടറും കൂട്ടിയിടിച്ച് യുവതിക്കും 2 വയസ്സുകാരി മകൾക്കും പരിക്ക്. സ്‌കൂട്ടറിൽ യാത്ര ചെയ്തിരുന്ന വൈക്കം സ്വദേശികളായ അഞ്ജു തോമസ് (32) ജസ്റ്റിന, (2 വയസ്) എന്നിവർക്ക് ആണ് പരിക്കേറ്റത്.

ഞായറാഴ്ച വൈകിട്ട് അഞ്ചരയോടെയാണ് സംഭവം. അപകടത്തിൽ പരിക്കേറ്റ ഇരുവരെയും പാലാ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. പൂവത്തിളപ്പിലും മഞ്ചക്കുഴിയിലും ബൈക്ക് നിയന്ത്രണംവിട്ടു മറിഞ്ഞുണ്ടായ അപകടങ്ങളിൽ 2 പേർക്ക് പരിക്കേറ്റു.

പൂവത്തിളപ്പിൽ വച്ച് ബൈക്ക് നിയന്ത്രണം വിട്ട് മറിഞ്ഞ് പാലാക്കാട് സ്വദേശി അനിൽ (42) ന് ആണ് പരുക്കേറ്റത്. മഞ്ചക്കുഴിയിൽ വച്ച് ബൈക്ക് നിയന്ത്രണം വിട്ട് മറിഞ്ഞ് പൂവരണി സ്വദേശിയായ ബിജുവിന് (46) ആണ് പരുക്കേറ്റത്. ഞായറാഴ്ച രാത്രി ഏഴരയോടെയാണ് അപകടം. അപകടങ്ങളിൽ പരിക്കേറ്റ രണ്ടു പേരെയും പാലാ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.