കേരള സംസ്ഥാന ആസൂത്രണ ബോർഡിലെ മാനദണ്ഡ വിരുദ്ധമായ സ്ഥലം മാറ്റങ്ങൾക്കെതിരെ എൻജിഒ യൂണിയനും കെജിഒഎ-യും പ്രതിഷേധിച്ചു.

കോട്ടയം: കേരള സംസ്ഥാന ആസൂത്രണ ബോർഡിലെ മാനദണ്ഡ വിരുദ്ധമായ സ്ഥലം മാറ്റങ്ങൾക്കും ജീവനക്കാരുടെ അവകാശമായ ജനറൽ ട്രാൻസ്ഫർ ഇല്ലാതാക്കാനുള്ള നടപടികൾക്കുമെതിരേ എൻജിഒ യൂണിയന്റെയും കെജിഒഎ-യുടെയും നേതൃത്വത്തിൽ പ്രതിഷേധിച്ചു.

ജീവനക്കാർ സംസ്ഥാന ആസൂത്രണ ബോർഡിലും ജില്ലാ പ്ലാനിങ്ങ് ആഫീസുകൾക്ക് മുന്നിലും പ്രതിഷേധ പ്രകടനം  നടത്തി. കോട്ടയത്ത് ജില്ലാ പ്ലാനിങ് ആഫീസ്  മുന്നിൽ നടത്തിയ പ്രകടനം  കേരള എൻജിഒ യൂണിയൻ ജില്ലാ ട്രഷറർ വി വി വിമൽ കുമാർ  ഉദ്ഘാടനം ചെയ്തു.

ജില്ലാ ജോയിൻ്റ് സെക്രട്ടറി ഷാവോസിയാങ്ങ് സംസാരിച്ചു.