മണിമല: മണിമലയിൽ സുഹൃത്തിനെ കുത്തി പരിക്കേൽപ്പിച്ചയാൾ അറസ്റ്റിൽ. മണിമല മുക്കട തൊള്ളായിരക്കുഴി വീട്ടിൽ തോമസ് ടി വർഗീസ്(പ്രദീപ്-46)നെയാണ് എരുമേലി സി.ഐ എം.ആർ സുരേഷിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.
തോള്ഭാഗത്ത് കുത്തേറ്റ സുഹൃത്ത് രതീഷ് ചന്ദ്രൻ കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലാണ്. മണിമല ഇൻഫന്റ് ജീസസ് ആശുപത്രിക്ക് സമീപത്തെ ഹോട്ടലിന് മുൻപിൽ കഴിഞ്ഞ ദിവസമായിരുന്നു സംഭവം. ഹോട്ടലിനു മുൻപിൽ വെച്ച് ഇരുവരും തമ്മിലുണ്ടായ വാക്ക് തർക്കമാണ് ആക്രമണത്തിൽ കലാശിച്ചത്. ഇരുവരും മദ്യലഹരിയിലായിരുന്നു.
ഇരുവരും ഹിറ്റാച്ചി ഓപ്പറേറ്റർമാരാണ്. കാഞ്ഞിരപ്പള്ളി ഡിവൈഎസ്പി യു.ശ്രീജിത്തിന്റെ നിർദ്ദേശ പ്രകാരം എരുമേലി സിഐ എം.ആർ സുരേഷ്, എസ്എച്ഓ ടി എസ് പ്രദീപ്,എഎസ്ഐ മാരായ എം ഷിൻസ്,സിജി കുട്ടപ്പൻ, സിപിഓ മാരായ സെൽവരാജ്, റെജിത്ത് എന്നിവർ ചേർന്നാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻ ചെയ്തു.
