കോട്ടയം: കോട്ടയം ജില്ലയിൽ തദ്ദേശ തെരഞ്ഞെടുപ്പിനുള്ള നാമനിർദേശ പത്രിക സമർപ്പണം പൂർത്തിയായി. സൂക്ഷ്മപരിശോധന ഇന്ന് നടക്കും. നവംബർ 24 ഉച്ചകഴിഞ്ഞ് മൂന്നു വരെ സ്ഥാനാർഥിത്വം പിൻവലിക്കാം. സ്ഥാനാർഥികൾക്കു ചിഹ്നം ലഭിക്കാൻ രാഷ്ട്രീയ പാർട്ടിയുടെ ശിപാർശക്കത്ത് നവംബർ 24ന് ഉച്ചകഴിഞ്ഞു മൂന്നുവരെ നൽകാം. സ്ഥാനാർഥിത്വം പിൻവലിക്കാനുള്ള സമയപരിധിക്കു ശേഷമാണ് ചിഹ്നം അനുവദിക്കുക. തദ്ദേശ സ്ഥാപന തെരഞ്ഞെടുപ്പിൽ നാമനിർദേശ പത്രിക സമർപ്പണം പൂർത്തിയായപ്പോൾ കോട്ടയം ജില്ലയിൽ ലഭിച്ചത് 6276 പേരുടെ പത്രികകൾ. പുരുഷന്മാർ - 2937, സ്ത്രീകൾ -3339. ആകെ 10850 സെറ്റ് പത്രികകൾ ആണ് ലഭിച്ചത്.
