കോവിഡ് ഭീതിയിൽ കേരളം! വകഭേതം രാജ്യത്ത് ആദ്യമായി സ്ഥിരീകരിച്ചത് കേരളത്തിൽ, 4 മരണം, ജാഗ്രത വേണമെന്ന് ആരോഗ്യ വകുപ്പ്.

കോട്ടയം: ഒരിടവേളയ്ക്ക് ശേഷം സംസ്ഥാനത്ത് വീണ്ടും കോവിഡ് പടർന്നു പിടിക്കുന്നു. രാജ്യത്ത് സ്ഥിരീകരിക്കുന്ന പുതിയ കോവിഡ് കേസുകളിൽ ഭൂരിഭാഗവും സ്ഥിരീകരിക്കുന്ന സംസ്ഥാനമായി കേരളം. ഇന്നലെ സ്ഥിരീകരിച്ച 329 കേസുകളില്‍ 298 കേസുകള്‍ കേരളത്തിലാണ് റിപ്പോര്‍ട്ട് ചെയ്തിരിക്കുന്നത്. ഇന്നലെ സംസ്ഥാനത്ത് നാല് കോവിഡ് മരണവും റിപ്പോർട്ട് ചെയ്യപ്പെട്ടതായി കേന്ദ്ര ആരോഗ്യ മന്ത്രാലയം അറിയിച്ചു. ജെഎൻ.1 കോവിഡ് വകഭേദം രാജ്യത്ത് ആദ്യമായി സ്ഥിരീകരിച്ചത് കേരളത്തിലാണ്. കേരളത്തിൽ നിലവിൽ 1523 കൊവിഡ് ആക്റ്റീവ് കേസുകളുണ്ട്.