കോട്ടയം: കോട്ടയം ജില്ലയിൽ 60084 പേർ കോവിഡ് പ്രതിരോധ കരുതൽ ഡോസ് വാക്സിൻ സ്വീകരിച്ചു. ഞായറാഴ്ച വരെയുള്ള ആരോഗ്യ വകുപ്പിന്റെ റിപ്പോർട്ടുകൾ പ്രകാരമുള്ള കണക്കുകളാണിത്.
കോട്ടയം ജില്ലയിലെ ആകെ കോവിഡ് പ്രതിരോധ വാക്സിൻ വിതരണം മുപ്പതു ലക്ഷം കടന്നു. ആരോഗ്യ വകുപ്പിന്റെ കണക്കുകൾ പ്രകാരം ജില്ലയിൽ ഇതുവരെ വിതരണം ചെയ്തത് 3076664 ഡോസ് കോവിഡ് പ്രതിരോധ വാക്സിനാണ്. കോവാക്സിൻ,കോവീഷീൽഡ്‌ വാക്സിനുകളിലായി ജില്ലയിൽ നൽകിയ ആകെ ഡോസിന്റെ കണക്കാണിത്. ജില്ലയിൽ ഒന്നാം ഡോസും രണ്ടാം ഡോസും കരുതൽ ഡോസും ഉൾപ്പടെയുള്ള കണക്കാണിത്.
കോട്ടയം ജില്ലയിൽ 1618800 പേര് കോവിഡ് പ്രതിരോധ വാക്സിന്റെ ഒന്നാം ഡോസും 1397780 പേര് കോവിഡ് പ്രതിരോധ വാക്സിന്റെ രണ്ടാം ഡോസും സ്വീകരിച്ചതായി ആരോഗ്യ വകുപ്പ് അധികൃതർ അറിയിച്ചു.
