പാലാ സീറ്റ്;പ്രശ്നങ്ങൾ പരിഹരിക്കാൻ പ്രാപ്തിയുള്ള നേതൃത്വമാണ് എൽഡിഎഫിന്റേത്:ജോസ് കെ മാണി.

കോട്ടയം:പാലാ നിയമസഭാ സീറ്റിന്റെ കാര്യത്തിൽ ഇടതു മുന്നണിയിൽ ചർച്ചകൾ ആരംഭിച്ചിട്ടില്ല എന്നും പ്രശ്നങ്ങൾ ഉണ്ടായാൽ അത് പരിഹരിക്കാൻ പ്രാപ്തിയുള്ള നേതൃത്വമാണ് എൽഡിഎഫിന്റേത് എന്ന് ജോസ് കെ മാണി മാധ്യമങ്ങളോട് പറഞ്ഞു.

പാലാ സീറ്റുമായി ബന്ധപ്പെട്ട് കേരളാ കോൺഗ്രസ്സ് എം പാർട്ടിയുടെ തീരുമാനങ്ങൾ മുന്നണിയെ അറിയിക്കുമെന്നും ജോസ് കെ മാണി പറഞ്ഞു. സീറ്റ് വിഷയവുമായി ബന്ധപ്പെട്ട് അദ്ദേഹം കൂടുതലായി ഒന്നും പ്രതികരിച്ചില്ല. യുഡിഎഫ് തനിക്ക് അടഞ്ഞ അധ്യായമാണെന്നും ജോസ് കെ മാണി കണ്ണൂരിൽ പറഞ്ഞു.