കോട്ടയം: ബംഗാള് ഉള്ക്കടലില് രൂപം കൊണ്ട ന്യൂനമര്ദ്ദത്തെത്തുടര്ന്ന് കേന്ദ്ര കാലാവസ്ഥാ വകുപ്പും സംസ്ഥാന ദുരന്ത നിവാരണ അതോറിറ്റിയും നൽകിയ മുന്നറിയിപ്പ് പരിഗണിച്ച് കോട്ടയം ജില്ലയില് അതീവ ജാഗ്രതാ നിര്ദേശം പുറപ്പെടുവിച്ച സാഹചര്യത്തിൽ ദുരിതാശ്വാസ ക്യാമ്പുകളാക്കുന്നതിനുള്ള സ്ഥാപനങ്ങള് മുന്കൂട്ടി സജ്ജമാക്കണം എന്ന് ജില്ലാ കളക്ടർ എം അഞ്ജന പറഞ്ഞു. ആവശ്യമായ മുന്കരുതലുകള് സ്വീകരിക്കാന് വിവിധ വകുപ്പുകള്ക്ക് നിര്ദേശം നല്കിയതായും ജില്ലാ കളക്ടർ പറഞ്ഞു. മുന്പ് ക്യാമ്പുകള് പ്രവര്ത്തിച്ചിരുന്ന കേന്ദ്രങ്ങള് തദ്ദേശ സ്ഥാപന തിരഞ്ഞെടുപ്പിന്റെ പോളിംഗ് കേന്ദ്രങ്ങളാണെങ്കില് പകരം സ്ഥലം കണ്ടെത്തണം. ക്യാമ്പുകള് സജ്ജീകരിക്കുമ്പോള് കോവിഡ് പ്രോട്ടോക്കോള് ഉറപ്പാക്കണം എന്നും ജില്ലാ കളക്ടർ പറഞ്ഞു.
