കോട്ടയത്ത് എംസി റോഡിൽ നിർത്തിയിട്ട ലോറിക്ക് പിന്നിൽ കെഎസ്ആർടിസി ബസ്സ് ഇടിച്ചു അപകടം; 9 പേർക്ക് പരിക്ക്.


കോട്ടയം: കോട്ടയത്ത് എംസി റോഡിൽ നിർത്തിയിട്ട ലോറിക്ക് പിന്നിൽ കെഎസ്ആർടിസി ബസ്സ് ഇടിച്ചു അപകടം. ചൊവ്വാഴ്ച രാത്രി 11 മണിയോടെയുണ്ടായ അപകടത്തിൽ ബസ്സ് കണ്ടക്ടർ ഉൾപ്പടെ 9 പേർക്ക് പരിക്കേറ്റു.

എംസി റോഡിൽ പള്ളം മാവിളങ്ങിൽ ആണ് അപകടം ഉണ്ടായത്. തിരുവനന്തപുരത്തുനിന്ന് ഊട്ടിയിലേക്ക് പോകുകയായിരുന്ന ബസാണ് നിയന്ത്രണം നഷ്ടപ്പെട്ട് റോഡരികിൽ നിർത്തിയിട്ടിരുന്ന ലോറിക്ക് പിന്നിൽ ഇടിച്ചു കയറിയത്.

അപകടത്തിൽ പരിക്കേറ്റവരെ കോട്ടയം ജനറൽ അആശുപത്രിയിലും കോട്ടയം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു. പോലീസും നാട്ടുകാരും മറ്റു വാഹന യാത്രികരും ചേർന്നാണ് അപകടത്തിൽ പരിക്കേറ്റവരെ ആശുപത്രിയിലെത്തിച്ചത്.