പാലാ: കോട്ടയം ജില്ലയിൽ വിവിധയിടങ്ങളിലുണ്ടായ വാഹനാപകടങ്ങളിൽ 3 പേർക്ക് പരിക്ക്. പൈകയിൽ വച്ച് റോഡിൽ കൂടി നടന്നു പോകുന്നതിനിടെ ബൈക്ക് ഇടിച്ച് മധ്യവയസ്കയ്ക്ക് പരിക്കേറ്റു. അപകടത്തിൽ പൈക സ്വദേശിനി തങ്കം(67) ന് ആണ് പരുക്കേറ്റത്.
ഇന്ന് രാവിലെ 11:30 യോടെയാണ് അപകടം ഉണ്ടായത്. ഇന്നലെ രാത്രി 10 മണിയോടെ പൈകയിൽ വച്ച് കാറും ബൈക്കും കൂട്ടിയിടിച്ചു യുവാവിന് പരിക്കേറ്റു. ഉരുളികുന്നം സ്വദേശി അഭിഷേകിന് (19) ആണ് അപകടത്തിൽ പരുക്കേറ്റത്. കഴിഞ്ഞ ദിവസം തോടനാലിന് സമീപം ബൈക്ക് മതിലിൽ ഇടിച്ച് എലിക്കുളം സ്വദേശി ജോജി ജോസിന് (24) പരുക്കേറ്റു.
വിവിധയിടങ്ങളിലുണ്ടായ വാഹനാപകടങ്ങളിൽ പരിക്കേറ്റ 3 പേരെയും പാലാ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.
