പാമ്പാടിയിൽ നിയന്ത്രണംവിട്ട കാർ മതിലിൽ ഇടിച്ചു 3 പേർക്ക് പരിക്കേറ്റു.

പാമ്പാടി: പാമ്പാടിയിൽ നിയന്ത്രണംവിട്ട കാർ മതിലിൽ ഇടിച്ചു 3 പേർക്ക് പരിക്കേറ്റു. ഞായറാഴ്ച രാവിലെ പാമ്പാടി ടൗണിന് സമീപമായിരുന്നു അപകടം. പാമ്പാടി സ്വദേശികളായ തോമസ് (66), കുഞ്ഞുമണി(73), മോളി(66) എന്നിവർക്ക് ആണ് അപകടത്തിൽ പരിക്കേറ്റത്.

നിയന്ത്രണംവിട്ട കാർ മതിലിൽ ഇടിച്ചു മറിയുകയായിരുന്നു. അപകടത്തിൽ പരിക്കേറ്റ 3 പേരെയും പാലാ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. മറ്റൊരപകടത്തിൽ ചാലക്കുടി സ്വദേശിക്കും പരിക്കേറ്റു. വാഗമണ്ണിൽ വൈകിട്ട് ജീപ്പിൽ ട്രക്കിങ്ങിനിടെ ജീപ്പിൻറെ കമ്പിയിൽ തല ഇടിച്ച് ആണ് പരിക്കേറ്റത്. ചാലക്കുടി സ്വദേശി ശീതളിനെ (19)യും മാർ സ്ലീവാ മെഡിസിറ്റിയിൽ പ്രവേശിപ്പിച്ചു.