കോട്ടയം: ഓർത്തഡോക്സ് തിയോളജിക്കൽ സെമിനാരിയിൽ ഗ്രീക്ക് പണ്ഡിതരുടെ വിശിഷ്ട പ്രതിനിധി സംഘം ഏപ്രിൽ 23 ന് സന്ദർശിച്ചു.
ധാർമ്മികതയിലും ജൈവ നൈതികതയിലും പ്രമുഖ വിദഗ്ദ്ധനായ ഇവാഞ്ചലോസ് പ്രോട്ടോപപദാക്കിസ്, പാട്രിസ്റ്റിക് ദൈവശാസ്ത്രത്തിലും നൈതിക പഠനങ്ങളിലും വൈദഗ്ദ്ധ്യം നേടിയ പ്രശസ്ത ദൈവശാസ്ത്രജ്ഞനായ മിൽറ്റിയാഡിസ് വാന്റോസ്, ദൈവശാസ്ത്ര വിദ്യാഭ്യാസത്തിലും കാറ്റെക്കറ്റിക്കൽ രൂപീകരണത്തിലും സജീവമായി ഏർപ്പെട്ടിരിക്കുന്ന എലെനി മിൽറ്റിയാഡിസ് എന്നിവരും സന്ദർശിച്ച പണ്ഡിതന്മാരിൽ ഉൾപ്പെടുന്നു. ബുദ്ധ സന്യാസിമാരായ പ്രബേഷ് സർക്കി, ലോബ്സാങ് നംൽഡ്ര എന്നിവരും പ്രതിനിധി സംഘത്തിൽ ഉണ്ടായിരുന്നു. മഹാത്മാഗാന്ധി സർവകലാശാലയിലെ ഡോ. പൗലോസ് മാർ ഗ്രിഗോറിയോസ് (പിഎംജി) ചെയറിന്റെ ചെയർപേഴ്സണും ചെയർ പ്രൊഫസറുമായ ഫാ.ഡോ.കെ.എം. ജോർജ്, ഓർത്തഡോക്സ് തിയോളജിക്കൽ സെമിനാരി പ്രിൻസിപ്പൽ ഫാ. ഡോ.ജോൺ തോമസ് കരിങ്ങാട്ടിൽ, ഫാ.കെ.വി.ഏലിയാസ്, ഫാ.ബ്രിൻസ് അലക്സ് മാത്യൂസ്, ഫാ.സിജു വർഗീസ് കോശി, സുജിത് വർഗീസ് ജോർജ്, ഷെറിൻ സുജിത്ത് വർഗീസ് (DETHRI ഫൗണ്ടേഷൻ) എന്നിവർ ചർച്ചയ്ക്ക് നേതൃത്വം നൽകി.
