പാലാ: വിവിധയിടങ്ങളിലുണ്ടായ വാഹനാപകടങ്ങളിൽ 4 പേർക്ക് പരുക്കേറ്റു. വിവിധ അപകടങ്ങളിൽ പരുക്കേറ്റ 4 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.
കോട്ടമുറി ഭാഗത്ത് വച്ച് സ്കൂട്ടർ നിയന്ത്രണം വിട്ട് മറിഞ്ഞ് കോട്ടമുറി സ്വദേശി എം.ദേവസ്യയ്ക്ക് (82) പരുക്കേറ്റു. ഇന്ന് രാവിലെയായിരുന്നു അപകടം. കട്ടപ്പനയിൽ വച്ച് ഓട്ടോറിക്ഷയും പിക്കപ്പും കൂട്ടിയിടിച്ച് പുളിയന്മല സ്വദേശിന് 9 വയസ്സുകാരി വിനീഷയ്ക്ക് പരുക്കേറ്റു. ഇന്നു പുലർച്ചെയായിരുന്നു അപകടം. ചേർപ്പുങ്കൽ വച്ച് സ്കൂട്ടർ നിയന്ത്രണം വിട്ട് മറിഞ്ഞ് അരീപ്പറമ്പ് സ്വദേശി വിധുലാലിനു (46) പരുക്കേറ്റു. ഇന്നലെയായിരുന്നു അപകടം. കഴിഞ്ഞ ദിവസം രാത്രിയിൽ തലയോലപ്പറമ്പ് ഭാഗത്ത് വച്ച് ബൈക്കും സ്കൂട്ടറും കൂട്ടിയിടിച്ചുണ്ടായ അപകടത്തിൽ തലയോലപ്പറമ്പ് സ്വദേശിനി അർഹ സീതുവിന് (7) പരുക്കേറ്റു.
