പാലാ: കോട്ടയം ജില്ലയിൽ വിവിധയിടങ്ങളിലുണ്ടായ വാഹനാപകടങ്ങളിൽ 4 പേർക്ക് പരിക്ക്. വിവിധ അപകടങ്ങളിൽ പരുക്കേറ്റ 4 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.
കാറുകൾ തമ്മിൽ കൂട്ടിയിടിച്ച് കുടുംബാംഗങ്ങളായ മേവട സ്വദേശികൾ ജേക്കബ് ഇമ്മാനുവൽ (34), ആൻസ് മേരി ടോം (32), ജെറോം ജേക്കബ് (രണ്ടര) എന്നിവർക്കു പരുക്കേറ്റു. രണ്ട് മണിയോടെ കിടങ്ങൂർ ഭാഗത്ത് വച്ചായിരുന്നു അപകടം. കിടങ്ങൂരിൽ വച്ച് സ്കൂട്ടർ നിയന്ത്രണം വിട്ട് മറിഞ്ഞ് അയർക്കുന്നം സ്വദേശി ബ്രിജിത്ത് ടി.ജെയിംസിനു (24) പരുക്കേറ്റു. ഉച്ചയ്ക്ക് 2.30 യോടെയാണ് അപകടം ഉണ്ടായത്.
