സ്വാതന്ത്ര്യദിനാഘോഷ ഒരുക്കങ്ങൾ പൂർണം; മന്ത്രി ജെ. ചിഞ്ചുറാണി പതാക ഉയർത്തും.

കോട്ടയം: ജില്ലാതല സ്വാതന്ത്ര്യദിനാഘോഷച്ചടങ്ങുകൾ ഇന്ന് രാവിലെ വിപുലമായ പരിപാടികളോടെ കോട്ടയം പോലീസ് പരേഡ് ഗ്രൗണ്ടിൽ നടക്കും. ചടങ്ങുകൾ രാവിലെ 8.35ന് ആരംഭിക്കും.

 

 രാവിലെ 9.00 മണിക്ക് മൃഗസംരക്ഷണ- ക്ഷീരവികസന വകുപ്പുമന്ത്രി ജെ. ചിഞ്ചുറാണി പതാക ഉയർത്തും. തുടർന്ന് സല്യൂട്ട് സ്വീകരിക്കും. പരേഡിൽ 25 പ്ലാറ്റൂണുകൾ പങ്കെടുക്കും. ഗാന്ധിനഗർ പോലീസ് സ്റ്റേഷൻ ഇൻസ്പെക്ടർ ടി. ശ്രീജിത്ത് ആണ് പരേഡ് കമാൻഡർ. പോലീസ്, എക്‌സൈസ്, വനംവകുപ്പ്, അഗ്നിരക്ഷാസേന, എൻ.സി.സി. എസ്.പി.സി., സ്‌കൗട്ട്, ഗൈഡ്‌സ്, ജൂനിയർ റെഡ്‌ക്രോസ് എന്നിവയ്‌ക്കൊപ്പം രണ്ടു ബാൻഡ് പ്ലാറ്റൂണുകളും പരേഡിൽ അണിനിരക്കും.

 

 ചടങ്ങിൽ ദേശഭക്തി ഗാനങ്ങളും അവതരിപ്പിക്കും. പരേഡ് വിജയികൾക്ക് മന്ത്രി ജെ. ചിഞ്ചുറാണി സമ്മാനങ്ങൾ വിതരണം ചെയ്യും. ജില്ലാ കളക്ടർ ചേതൻ കുമാർ മീണ, ജില്ലാ പോലീസ് മേധാവി എ. ഷാഹുൽ  ഹമീദ്, ജനപ്രതിനിധികൾ, രാഷ്ട്രീയപാർട്ടി പ്രതിനിധികൾ, ഉദ്യോഗസ്ഥർ എന്നിവർ ചടങ്ങിൽ പങ്കെടുക്കും.