പാമ്പാടി: കോട്ടയം പാമ്പാടിയിൽ നിയന്ത്രണംവിട്ട കാര്‍ മതിലില്‍ ഇടിച്ചു മൂന്നുവയസ്സുകാരിക്ക് ദാരുണാന്ത്യം. മല്ലപ്പള്ളി സ്വദേശിനിയായ കീത്ത് (3) ആണ് മരിച്ചത്.
.jpeg)
ശനിയാഴ്ച വൈകീട്ട് പാമ്പാടി കുറ്റിക്കലില്‍ ആണ് അപകടം നടന്നത്. നിയന്ത്രണംവിട്ട കാര്‍ കുറ്റിക്കല്‍ സ്‌കൂളിനോട് ചേര്‍ന്ന മതിലില്‍ ഇടിക്കുകയായിരുന്നു.
കാര്‍ ഓടിച്ച മല്ലപ്പള്ളി മാത്യു (68), ശോശാമ്മ മാത്യു (58), മെറിന്‍ (40), ടിനു (35), ടിയാന്‍ (9) എന്നിവര്‍ക്ക് അപകടത്തിൽ പരിക്കേറ്റു. അപകടം കണ്ട് ഓടിയെത്തിയ നാട്ടുകാർ ചേർന്ന് എല്ലാവരെയും ഉടനെ തന്നെ ആശുപത്രിയില്‍ എത്തിച്ചെങ്കിലും കുഞ്ഞിന്റെ ജീവന്‍ രക്ഷിക്കാനായില്ല. പാമ്പാടി പോലീസ് സ്ഥലത്തെത്തി മേൽനടപടികൾ സ്വീകരിച്ചു.
