ചങ്ങനാശേരി: ചങ്ങനാശേരിയിൽ നിർത്തിയിട്ടിരുന്ന കാറിനുള്ളിൽ കേറ്ററിങ് സർവീസ് ഉടമയെ മരിച്ചനിലയിൽ കണ്ടെത്തി. പായിപ്പാട് കൊച്ചുപള്ളി കണ്ണൻകോട്ടാല് വീട്ടിൽ ക്രിസ്റ്റിൻ ആൻ്റെണിയെ (37) ആണ് വ്യാഴാഴ്ച രാത്രി 7 മണിയോടെ കാറിനുള്ളിൽ മരിച്ച നിലയിൽ കണ്ടെത്തിയത്.
ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം. കാറ്ററിങ് ആവശ്യത്തിന് മാർക്കറ്റിൽ നിന്നും സാധനങ്ങൾ വാങ്ങുന്നതിന് വേണ്ടി എത്തിയതായിരുന്നു. അധിക നേരമായിട്ടും കാർ നിർത്തിയിട്ടിരിക്കുന്നത് ശ്രദ്ധയിൽപ്പെട്ട നാട്ടൂകാരും വ്യാപാരികളുമാണ് കാർ പരിശോധിച്ചപ്പോൾ യുവാവിനെ അനക്കമില്ലാത്ത നിലയിൽ കണ്ടെത്തിയത്.
ഉടനെ തന്നെ പോലീസിൽ വിവരമറിയിക്കുകയായിരുന്നു. സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചിരുന്നു. ഓൾ കേരള ക്യാറ്ററിങ് അസോസിയേഷൻ താലൂക്ക് ട്രഷറർ ആയിരുന്നു. ഭാര്യ: രശ്മി. മക്കൾ: ക്രിസ്ബൻ, ഡെൽസൺ.
