'കരുതലും കൈത്താങ്ങും' താലൂക്കുതല അദാലത്ത് മേയ് രണ്ടു മുതൽ ആരംഭിക്കും: ജില്ലാ കളക്ടർ.


കോട്ടയം: സംസ്ഥാന മന്ത്രിസഭയുടെ രണ്ടാം വാർഷികത്തോടനുബന്ധിച്ച് സംഘടിപ്പിക്കുന്ന 'കരുതലും കൈത്താങ്ങും' താലൂക്കുതല അദാലത്ത് മേയ് രണ്ടു മുതൽ ആരംഭിക്കുമെന്ന് കോട്ടയം ജില്ലാ കളക്ടർ ഡോ. പി.കെ. ജയശ്രീ പറഞ്ഞു. അദാലത്തിൽ സഹകരണ-രജിസ്‌ട്രേഷൻ വകുപ്പ് മന്ത്രി വി.എൻ. വാസവൻ, ജലവിഭവ വകുപ്പ് മന്ത്രി റോഷി അഗസ്റ്റിൻ എന്നിവർ പങ്കെടുക്കും. രാവിലെ 10 മുതൽ വൈകിട്ട് നാലു വരെയാണ് അദാലത്ത് നടക്കുക. അഞ്ചു താലൂക്കുകളിലായി ആകെ 2150 അപേക്ഷകളാണ് ലഭിച്ചത്. ഇതിൽ 585 അപേക്ഷകൾ നിരസിച്ചു.

താലൂക്ക്, അദാലത്ത് തീയതി, വേദി, ലഭിച്ച അപേക്ഷകളുടെ എണ്ണം എന്ന ക്രമത്തിൽ വിവരങ്ങൾ ചുവടെ:

കോട്ടയം താലൂക്ക്- മേയ് 2-കെ.പി.എസ്. മേനോൻ ഹാൾ, 608

ചങ്ങനാശേരി-മേയ് 4-ചങ്ങനാശേരി മുനിസിപ്പൽ ടൗൺ ഹാൾ, 290

കാഞ്ഞിരപ്പള്ളി- മേയ് 6-പൊൻകുന്നം മഹാത്മാ ഗാന്ധി ടൗൺ ഹാൾ, 345

മീനച്ചിൽ-മേയ് 8-പാലാ മുനിസിപ്പൽ ടൗൺ ഹാൾ, 370

വൈക്കം-മേയ് 9-വൈക്കം സീതാറാം ഓഡിറ്റോറിയം, 537

ഭൂമി സംബന്ധമായ വിഷയങ്ങൾ (അതിർത്തി നിർണയം, അനധികൃത നിർമാണം, ഭൂമി കയ്യേറ്റം), സർട്ടിഫിക്കറ്റുകൾ / ലൈസൻസുകൾ നൽകുന്നതിലെ -തണ്ണീർത്തട സംരക്ഷണം,ക്ഷേമപദ്ധതികൾ, പ്രകൃതി ദുരന്തങ്ങൾക്കുള്ള നഷ്ടപരിഹാരം, സാമൂഹിക സുരക്ഷ പെൻഷൻ, പരിസ്ഥിതി മലിനീകരണം, തെരുവ് നായ സംരക്ഷണം/ ശല്യം, അപകടകരങ്ങളായ മരങ്ങൾ മുറിച്ചു മാറ്റുന്നത്, തെരുവുവിളക്കുകൾ, അതിർത്തി തർക്കങ്ങളും വഴി തടസപ്പെടുത്തലും, വയോജന സംരക്ഷണം, കെട്ടിട നിർമാണ ചട്ടങ്ങളുമായി ബന്ധപ്പെട്ടവ,പൊതുജലസ്രോതസുകളുടെ സംരക്ഷണവും കുടിവെള്ളവും,റേഷൻ കാർഡ്,വന്യജീവി ആക്രണങ്ങളിൽ നിന്നുളള സംരക്ഷണം,വിവിധ സ്‌കോളർഷിപ്പ് സംബന്ധിച്ച പരാതികൾ/ അപേക്ഷകൾ,വളർത്തുമൃഗങ്ങൾക്കുള്ള നഷ്ടപരിഹാരം, കൃഷി നാശത്തിനുള്ള സഹായങ്ങൾ,കാർഷിക വിളകളുടെ സംഭരണവും വിതരണവും, വിള ഇൻഷുറൻസ്,ഭക്ഷ്യ സുരക്ഷ,മത്സ്യബന്ധന തൊഴിലാളികളുമായി ബന്ധപ്പെട്ടവ,ആശുപത്രികളിലെ മരുന്നുക്ഷാമം,ശാരീരിക / ബുദ്ധി / മാനസിക വൈകല്യമുള്ളവരുടെ പുനരധിവാസം, ധനസഹായം, പെൻഷൻ,വിവിധ ക്ഷേമനിധി ബോർഡുകളിൽ നിന്നുള്ള ആനുകൂല്യങ്ങൾ, പട്ടികജാതി/പട്ടികവർഗ വിഭാഗങ്ങൾക്കുള്ള വിവിധ ആനുകൂല്യങ്ങൾ, വ്യവസായ സംരംഭങ്ങൾക്കുള്ള അനുമതി  എന്നിവയുമായി ബന്ധപ്പെട്ട് ലഭിച്ച പരാതികളാണ് അദാലത്തിൽ പരിഗണിക്കുന്നത്.