എരുമേലി: എരുമേലിയിൽ 4 വയസ്സുകാരൻ വീടിനു മുൻപിലെ കിണറ്റിൽ വീണു മരിച്ചു. മുട്ടപ്പള്ളി കരിമ്പിന്തോട്ടിൽ ഷിജോ (രതീഷ് രാജൻ -സി എച്ച് സി കൗൺസിലർ വെച്ചൂച്ചിറ)യുടെ മകൻ ധ്യാൻ രതീഷ്(6) ആണ് മരിച്ചത്. ഇന്ന് രാവിലെ 9 മണിയോടെയാണ് അപകടം ഉണ്ടായത്.
മുട്ടപ്പള്ളിയിൽ വാടകയ്ക്ക് താമസിക്കുന്ന വീടിന്റെ മുറ്റത്ത് കളിക്കുന്നതിനിടയിൽ വീടിനോട് ചേർന്ന കിണറ്റിലാണ് ധ്യാൻ അപകടത്തിൽപെട്ടത്. കുട്ടിയെ കാണാത്തതിനെ തുടർന്ന് തെരച്ചിലിനൊടുവിലാണ് അപകടത്തിൽപെട്ടത് കണ്ടത്. ഉടൻ തന്നെ മുക്കൂട്ടുതറയിലെ സ്വകാര്യ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു. കുട്ടിയുടെ അമ്മ വിദേശത്താണ് ജോലിചെയ്യുന്നത്.
ഇരുപത് മിനിറ്റോളം കിണറ്റിൽ കിണറ്റിലകപ്പെട്ടു. അപകട വിവരം അറിയിച്ചതിനെ തുടർന്നു നാട്ടുകാരെത്തിയാണ് കുട്ടിയെ കിണറ്റിൽ നിന്ന് കരയ്‌ക്കെത്തിച്ചത്. ധ്യാനിൻ്റെ തലയിൽ മുറിവേറ്റിരുന്നതായി ആശുപത്രി അധികൃതർ പറഞ്ഞു. എരുമേലി പോലീസ് സ്ഥലത്തെത്തി മേൽനടപടികൾ സ്വീകരിച്ചു. മൃതദേഹം പോസ്റ്റ്‌മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും.
