കുറവിലങ്ങാട് വാഹനങ്ങളുടെ കൂട്ടയിടി, നിയന്ത്രണംവിട്ട കാർ 5 വാഹനങ്ങളിലിടിച്ചു, ഗ്രാമപ​ഞ്ചാ​യ​ത്ത് പ്ര​സി​ഡ​ന്‍റ് ഉൾപ്പടെ അപകടത്തിൽ 6 പേർക്ക് പരിക്ക്.

കുറവിലങ്ങാട്: കുറവിലങ്ങാട് വാഹനങ്ങളുടെ കൂട്ടയിടി. ഇന്നലെ രാത്രി ഏഴരയോടെ കു​റ​വി​ല​ങ്ങാ​ട്  ബ​സ് സ്റ്റാ​ന്‍​ഡ് ജം​ഗ്ഷ​നു സ​മീ​പം ആണ് അപകടം ഉണ്ടായത്. കൂത്താട്ടുകുളം ഭാഗത്തേക്ക് വരുകയായിരുന്ന കാർ നിയന്ത്രണം വിട്ടതിനെ തുടർന്ന് 5 വാഹനങ്ങളിലിടിക്കുകയായിരുന്നു.

3 ഓട്ടോ റിക്ഷകളിലും ഒരു കാറിലും ഒരു സ്‌കൂട്ടരിലും ഇടിക്കുകയായിരുന്നു. അപകടത്തിൽ ഓട്ടോ റിക്ഷയിൽ സഞ്ചരിക്കുകയായിരുന്ന കു​റ​വി​ല​ങ്ങാ​ട് ഗ്രാമപ​ഞ്ചാ​യ​ത്ത് പ്ര​സി​ഡ​ന്‍റ് മി​നി മ​ത്താ​യി, ഭ​ര്‍​ത്താ​വ് യു.​ഡി. മ​ത്താ​യി, ഓട്ടോ ഡ്രൈവർ, മറ്റു 3 പേർക്കുമാണ് പരിക്കേറ്റത്.

അതേസമയം അപകടം ഉണ്ടായ ശേഷം കാർ ഓടിച്ചിരുന്നയാളും കാറിലുണ്ടായിരുന്നവരും രക്ഷപ്പെട്ടതായാണ് വിവരം. പോലീസ് സ്ഥലത്തെത്തി മേൽനടപടികൾ സ്വീകരിക്കുകയും കാർ കസ്റ്റഡിയിൽ എടുക്കുകയും ചെയ്തു. അപകടത്തിൽ പരിക്കേറ്റവരെ മു​ട്ടു​ചി​റ​യി​ലെ സ്വ​കാ​ര്യ ആ​ശു​പ​ത്രി​യി​ലും തെ​ള്ള​ക​ത്തെ സ്വ​കാ​ര്യ ആ​ശു​പ​ത്രി​യി​ലും പ്ര​വേ​ശി​പ്പി​ച്ചു.