തിരുവനന്തപുരം: സംസ്ഥാനത്ത് സ്വകാര്യ ബസ്സ് സമരം പിൻവലിച്ചു. ബസ്സ് ഉടമകൾ മുഖ്യമന്ത്രി പിണറായി വിജയനും ഗതാഗതമന്ത്രി ആന്റണി രാജുവുമായുള്ള കൂടിക്കാഴ്ചയെ തുടർന്നാണ് സമരം പിൻവലിച്ചത്.
24 നു ആരംഭിച്ച സ്വകാര്യ ബസ്സ് സമരം ഇന്ന് നാലാം ദിവസത്തിലേക്ക് കടന്നിരുന്നു. ബസ്സ് ചാർജ്ജ് വർധനവിൽ സർക്കാർ ഉറപ്പ് നല്കിയതിനാലാണ് സമരം പിൻവലിക്കുന്നത് എന്ന് ബസ്സ് ഉടമകൾ പറഞ്ഞു. ഇന്ന് രാവിലെയാണ് ബസ്സ് ഉടമകളുടെ സംഘടനാ പ്രതിനിധികൾ മുഖ്യമന്ത്രിയുമായി കൂടിക്കാഴ്ച്ച നടത്തിയത്.
