കോട്ടയം: കോട്ടയം ജില്ലയിലെ പൊതുമരാമത്ത് വകുപ്പിന്റെ പദ്ധതികളുടെ നിര്വ്വഹണ പുരോഗതി പൊതുമരാമത്ത്-ടൂറിസം വകുപ്പ് മന്ത്രി പി.എ. മുഹമ്മദ് റിയാസ് വിലയിരുത്തി. ജില്ലാ കളക്ട്രേറ്റിൽ നടന്ന അവലോകന യോഗത്തിൽ വിവിധ വകുപ്പ് ഉദ്യോഗസ്ഥർ പങ്കെടുത്തു. സഹകരണ-രജിസ്ട്രേഷന് വകുപ്പ് മന്ത്രി വി.എന്. വാസവനും കളക്ടറേറ്റില് നടന്ന അവലോകന യോഗത്തില് പങ്കെടുത്തു. റീബിൽഡ് കേരള ഇനിഷ്യേറ്റീവ് പദ്ധതിയുടെ ഭാഗമായി ഏറ്റുമാനൂര് നിയോജക മണ്ഡലത്തിലെ എട്ട് റോഡുകളുടെ പുനുരുദ്ധാരണ പ്രവൃത്തികളുടെ നിര്മാണോദ്ഘാടനവുമായി ബന്ധപ്പെട്ടു ജില്ലയിൽ എത്തിയതായിരുന്നു മന്ത്രി.
