തിരുവനന്തപുരം: സംസ്ഥാനത്തെ ജൂൺ മാസത്തെ ഭക്ഷ്യ കിറ്റ് വിതരണം ആരംഭിച്ചതായി ഭക്ഷ്യ പൊതുവിതരണ വകുപ്പ് അറിയിച്ചു. എല്ലാ വിഭാഗം റേഷൻ കാർഡിനും ജൂൺ മാസത്തെ കിറ്റ് വിതരണം ഇ-പോസ് മെഷീനിൽ രേഖപ്പെടുത്തിയിട്ടുണ്ട് എന്നും വകുപ്പ് അറിയിച്ചു.
അതാത് റേഷന്‍ കടകളിലെത്തുന്ന കിറ്റിന്റെ സ്റ്റോക്കിനനുസരിച്ച് ലഭിക്കുന്നതാണ്. മെയ് മാസത്തെ ഭക്ഷ്യ കിറ്റ് വിതരണം തുടരുന്നു.
ജൂൺ മാസ കിറ്റിലെ സാധനങ്ങൾ:
ചെറുപയർ - 500 ഗ്രാം
ഉഴുന്ന്‌ - 500 ഗ്രാം
തുവരപ്പരിപ്പ്‌ - 250 ഗ്രാം
കടല - 250 ഗ്രാം
പഞ്ചസാര – 1 കിലോഗ്രാം
തേയില - 100 ഗ്രാം
മുളക് പൊടി – 100 ഗ്രാം
മഞ്ഞൾ പൊടി – 100 ഗ്രാം
വെളിച്ചെണ്ണ - അര ലിറ്റർ
ആട്ട - 1 കിലോഗ്രാം
ഉപ്പ് – 1 കിലോഗ്രാം
