മുണ്ടക്കയം: മുണ്ടക്കയത്ത് ബൈക്കും ഓട്ടോയും കൂട്ടിയിടിച്ച് യുവാവിന് ദാരുണാന്ത്യം. മുണ്ടക്കയം ചാച്ചികവല പല്ലാപ്പിൽ ബിജുവിന്റെ മകൻ ജിബിൻ (26) ആണ് അപകടത്തിൽ മരിച്ചത്.
ഇന്നലെ വൈകിട്ട് 7 മണിയോടെ മുണ്ടക്കയം കരിനിലം ഭാഗത്തു വെച്ചാണ് അപകടം ഉണ്ടായത്. ജിബിൻ സഞ്ചരിച്ച ബൈക്കും ഓട്ടോയും തമ്മിൽ കൂട്ടിയിടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ ജിബിനെ ഉടനെ തന്നെ കാഞ്ഞിരപ്പള്ളിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
എറണാകുളത്ത് ജോലി ചെയ്യുകയായിരുന്ന ജിബിൻ കഴിഞ്ഞ ദിവസമാണ് കുടുംബത്തിനൊപ്പം ഓണം ആഘോഷിക്കാനായി നാട്ടിലെത്തിയത്.
