പാലാ: വിവിധ അപകടങ്ങളിൽ പരുക്കേറ്റ 3 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. ബൈക്കും പിക്കപ്പ് വാനും കൂട്ടിയിടിച്ചു കോട്ടയം കുഴിമറ്റം സ്വദേശി നവീൻ നാരായണന്( 40) പരുക്കേറ്റു.
രാവിലെ പനച്ചിക്കാട് ഭാഗത്ത് വച്ചായിരുന്നു അപകടം. പൂഞ്ഞാർ പനച്ചിപ്പാറ ഭാഗത്ത് വച്ച് രാവിലെ ബൈക്ക് നിയന്ത്രണം വിട്ടു മറിഞ്ഞു പനച്ചിപ്പാറ സ്വദേശി റോബർട്ട് ജോർജിനു (58) പരുക്കേറ്റു. ഇന്നലെ കാർ നിയന്ത്രണം വിട്ട് വൈദ്യുതി പോസ്റ്റിൽ ഇടിച്ചുണ്ടായ അപകടത്തിൽ ചാത്തൻതറ സ്വദേശി നെവിനു (21) പരുക്കേറ്റു. പൂവരണിയിൽ വച്ചായിരുന്നു അപകടം.
