കോട്ടയം: ദീപികയുടെ ശതോത്തര റൂബി ജൂബിലി ആഘോഷങ്ങളുടെ ഉദ്ഘാടനം ഞായറാഴ്ച ഉപരാഷ്ട്രപതി ഡോ. സി.പി. രാധാകൃഷ്ണന് നിർവ്വഹിക്കും.
ദീപിക ദിനപത്രത്തിൻ്റെ 140-ാമത് സ്ഥാപക വാർഷികാഘോഷങ്ങളോടനുബന്ധിച്ചു ഒരു വർഷം നീണ്ടുനിൽക്കുന്ന ആഘോഷങ്ങളുടെ പ്രൗഢഗംഭീരമായ ഉദ്ഘാടനം ആണ് ഞായറാഴ്ച കോട്ടയത്ത് നടക്കുന്നത്. ഞായറാഴ്ച ഉച്ചകഴിഞ്ഞ് 2:30നു കോട്ടയം മാമ്മന് മാപ്പിള ഹാളില് നടക്കുന്ന ചടങ്ങിൽ ഗവര്ണര് രാജേന്ദ്ര വിശ്വനാഥ് അര്ലേക്കര് അധ്യക്ഷത വഹിക്കും. മുഖ്യമന്ത്രി വി.ഡി. സതീശന് മുഖ്യപ്രഭാഷണം നടത്തും. നിയമസഭാ സ്പീക്കര് തിരുവഞ്ചൂര് രാധാകൃഷ്ണന്, മന്ത്രി മോന്സ് ജോസഫ്, കെ. ഫ്രാന്സിസ് ജോര്ജ് എംപി, പശ്ചിമബംഗാള് മുന് ഗവര്ണര് ഡോ. സി.വി. ആനന്ദബോസ്, കോട്ടയം ആര്ച്ച്ബിഷപ് മാര് മാത്യു മൂലക്കാട്ട്, രാഷ്ട്രദീപിക ലിമിറ്റഡ് ചെയര്മാന് ഡോ. ഫ്രാന്സിസ് ക്ലീറ്റസ്, മാനേജിംഗ് ഡയറക്ടര് ഫാ. മൈക്കിള് വെട്ടിക്കാട്ട്, ചീഫ് എഡിറ്റര് ഫാ. ഡോ. ജോര്ജ് കുടിലില് തുടങ്ങിയവര് സന്നിഹിതരായിരിക്കും. ചടങ്ങിൽ രാഷ്ട്രീയ-സാമൂഹിക-സാംസ്കാരിക-ആത്മീയ-മാധ്യമ രംഗങ്ങളിലെ പ്രമുഖർ പങ്കെടുക്കും.
