പുതുപ്പള്ളി: മരിച്ചുപോയ പിതാവിനെ വീണ്ടും കൂടുതൽ വിവാദത്തിലേക്ക് കൊണ്ടുപോകാൻ താത്പര്യമില്ല എന്നും സത്യം കേരളത്തിലെ ജനങ്ങൾക്കറിയാം എന്നും ചാണ്ടി ഉമ്മൻ എം എൽ എ പറഞ്ഞു.
സത്യവിരുദ്ധമായി ഒന്നും പറഞ്ഞിട്ടില്ല, ആരെയും വ്യക്തിപരമായി അധിക്ഷേപിക്കുന്ന ഒരു പരാമർശവും നടത്താൻ താൻ ഉദ്ദേശിക്കുന്നില്ല എന്നും പറഞ്ഞ കാര്യങ്ങൾ സത്യമാണെന്നു കേരളത്തിലെ ജനങ്ങൾക്ക് അറിയാമെന്നും ചാണ്ടി ഉമ്മൻ പറഞ്ഞു. തന്റെ കുടുംബം തകർത്തത് ഉമ്മൻ ചാണ്ടിയാണെന്ന ഗണേഷിന്റെ പ്രസ്താവനയിൽ അത് സ്വന്തം മനസാക്ഷിയോട് ചോദിക്കട്ടെ അപ്പോൾ ഉത്തരം ലഭിക്കും എന്നായിരുന്നു ചാണ്ടി ഉമ്മന്റെ പ്രതികരണം. മരിച്ചുപോയ പിതാവിനെ വിവാദത്തിലേക്ക് കൊണ്ടുപോകാൻ താത്പര്യമില്ല. ഗണേഷ് കുമാറിനെ പോലുള്ള ഒരാളിൽ നിന്ന് പ്രതീക്ഷ കാര്യമല്ല ഉമ്മൻ ചാണ്ടിയുടെ കാര്യത്തിൽ സംഭവിച്ചതെന്നത് മാത്രമാണ് താൻ പറഞ്ഞതെന്നും വ്യക്തിപരമായി ഒരു അധിക്ഷേപവും നടത്തിയിട്ടില്ലെന്നും ചാണ്ടി ഉമ്മൻ പറഞ്ഞു.
