എറണാകുളം: കൊച്ചിയിൽ ഈരാറ്റുപേട്ട സ്വദേശിയായ വനിതാ ഡോക്ടറെ ഫ്ലാറ്റിൽ മരിച്ച നിലയിൽ കണ്ടെത്തി. കോട്ടയം ഇരാറ്റുപേട്ട അരുവിത്തുറ ചിരക്കര വീട്ടിൽ ഡോ. മീനാക്ഷി വിജയകുമാറിനെയാണ് (35) മരിച്ചനിലയിൽ കണ്ടെത്തിയത്.
.jpeg)
മാറമ്പിള്ളി കുന്നു വഴി ഫ്ലാറ്റിൽ ആയിരുന്നു താമസിച്ചിരുന്നത്. രണ്ടു വർഷമായി ആലുവ രാജഗിരി ആശുപത്രിയിലെ ഐസിയുവിൽ സർജിക്കൽ ഹെഡായ ഡോ.മീനാക്ഷിയെ ഫോണിൽ വിളിച്ചിട്ടും കിട്ടാത്താതിനെ തുടർന്നുള്ള അന്വേഷണത്തിലാണ് താമസ സ്ഥലത്തെ മുറി അടച്ചിട്ട നിലയിൽ കണ്ടെത്തിയത്.
പെരുമ്പാവൂർ പൊലീസെത്തി വാതിൽ പൊളിച്ച് പരിശോധിച്ചപ്പോഴാണ് കിടപ്പുമുറിയിൽ മരിച്ചനിലയിൽ കണ്ടെത്തിയത്. 2019ൽ വിവാഹ ബന്ധം വേർപെടുത്തിയിരുന്നു. 35 കുടുംബങ്ങൾ താമാസിക്കുന്ന ഫ്ലാറ്റിൽ കഴിഞ്ഞ രണ്ടു വർഷമായി ഒറ്റയ്ക്കാണ് താമസിച്ചിരുന്നത്. രോഗികളോടും താമസസ്ഥലത്തെ അയൽവാസികളോടും നന്നായി ഇടപെടുന്ന ഡോക്ടറായിരുന്നു മീനാക്ഷി. അനസ്തേഷ്യയുടെ മരുന്ന് അമിതമായ അളവിൽ കുത്തിവച്ച് ആത്മഹത്യ ചെയ്തതാകാമെന്നാണ് പൊലീസിൻ്റെ പ്രാഥമിക നിഗമനം.
