പാലാ: പാലാ ഭരണങ്ങാനത്ത് മീനച്ചിലാറ്റിൽ കുളിക്കാനിറങ്ങിയ 2 വിദ്യാർത്ഥികളെ ഒഴുക്കിൽപ്പെട്ടു കാണാതായി.
മുണ്ടക്കയം സ്വദേശി ആൽബിൻ ജോസഫ് (21) അമൽ കെ ജോമോൻ (18) എന്നിവരെയാണ് കാണാതായത്. ഇന്ന് വൈകിട്ട് 4 മണിയോടെയായിരുന്നു സംഭവം.
ഭരണങ്ങാനം ശ്രീകൃഷ്‌ണ സ്വാമി ക്ഷേത്ര കവാടത്തിന് ഇടത് വശത്തായുള്ള കടവിൽ കുളിക്കാനിറങ്ങിയ വിദ്യാർത്ഥികളെയാണ് ഒഴുക്കിൽപ്പെട്ടു കാണാതായത്. പാലായിൽ ജർമൻ ഭാഷ പഠിക്കാൻ എത്തിയ കുട്ടികളാണ് ഒഴുക്കിൽപ്പെട്ടതെന്നാണ് വിവരം. അഗ്നിരക്ഷാ സേനയും പോലീസും സന്നദ്ധ പ്രവർത്തകരും സ്ഥലത്ത് എത്തി തിരച്ചിൽ തുടരുകയാണ്.
