കോട്ടയം: കോട്ടയം മെഡിക്കൽ കോളജിൽ നഴ്‌സുമാർ വസ്ത്രം മാറുന്ന മുറിയിൽ ഫോൺ ക്യാമറ ഓണാക്കി വെച്ചു ദൃശ്യങ്ങൾ പകർത്താൻ ശ്രമിച്ച മാഞ്ഞൂർ സ്വദേശിയായ നഴ്‌സിങ് ട്രെയിനി പിടിയിൽ.
കോട്ടയം മാഞ്ഞൂർ സ്വദേശി ചരളേൽ ആൻസൺ ജോസഫിനെ(24)യാണ് ഗാന്ധിനഗർ പൊലീസ് കസ്റ്റഡിയിൽ എടുത്തത്. ആൻസണിന് ശേഷം വസ്ത്രം മാറാൻ മുറിയിൽ കയറിയ ജീവനക്കാരിയാണ് ക്യാമറ ഓൺ ആക്കിയ നിലയിൽ ഫോൺ കണ്ടെത്തിയത്.
തുടർന്ന് ജീവനക്കാരി മെഡിക്കൽ കോളേജ് അധികൃതരെയും പിന്നീട് ഗാന്ധിനഗർ പോലീസിലും വിവരം അറിയിക്കുകയായിരുന്നു. ബിഎസ്‌സി നഴ്‌സിങ് പൂർത്തിയാക്കിയ ആൻസൺ ഒരു മാസം മുൻപാണ് കോട്ടയം മെഡിക്കൽ കോളജ് ആശുപത്രിയിൽ പരിശീലനത്തിലായി എത്തിയത്.
