മുണ്ടക്കയം: കൂട്ടിക്കൽ ഗ്രാമപഞ്ചായത്തിലെ വഴിയിട വിശ്രമ കേന്ദ്രം സെബാസ്റ്റ്യൻ കുളത്തുങ്കൽ എം.എൽ.എ. ഉദ്ഘാടനം ചെയ്തു .
കൂട്ടിക്കൽ പഞ്ചായത്തിലെ പ്ലാപ്പള്ളി, ചക്കിപ്പാറ, മുതുകോരമല ടൂറിസം വികസന പദ്ധതികളുടെ ഭാഗമായി പ്ലാപ്പള്ളി ടോപ്പിലാണ് വഴിയോര വിശ്രമ കേന്ദ്രം ആരംഭിച്ചിരിക്കുന്നത്. കൂട്ടിക്കൽ ഗ്രാമപഞ്ചായത്തും ശുചിത്വ മിഷനും ചേർന്ന് 24.60 ലക്ഷം മുടക്കി നിർമിച്ച പദ്ധതി വിനോദ സഞ്ചാരികൾക്കും ഗുണകരമാകും.
കൂട്ടിക്കൽ ഗ്രാമപഞ്ചായത്ത് പ്രസിഡന്റ് പി.എസ്. സജിമോൻ ചടങ്ങിൽ അധ്യക്ഷത വഹിച്ചു. ശുചിത്വ മിഷൻ ജില്ലാ കോ ഓർഡിനേറ്റർ ബെവിൻ ജോൺ, കൂട്ടിക്കൽ പഞ്ചായത്ത് വൈസ് പ്രസിഡന്റ് ജെസി ജോസ്, ജില്ലാ പഞ്ചായത്തംഗം പി.ആർ അനുപമ, പഞ്ചായത്ത് സ്ഥിരം സമിതി അധ്യക്ഷരായ കെ.എസ്.മോഹനൻ, ജേക്കബ് ചാക്കോ, രജനി സുധീർ, ഗ്രാമപഞ്ചായത്തംഗങ്ങളായ ബിജോയ് ജോസ്, എം.വി. ഹരിഹരൻ, രജനി സലിലൻ, സിന്ധു മുരളീധരൻ, മായ ജയേഷ്, സൗമ്യ ഷെമീർ, കൂട്ടിക്കൽ പഞ്ചായത്ത് അസി. എക്സിക്യുട്ടീവ് എൻജിനീയർ കെ.ജി. അജീഷ്, സി.ഡി.എസ് ചെയർപേഴ്സൺ ആശാ ബിജു എന്നിവർ പങ്കെടുത്തു.
