പാലാ: കുടുംബ കലഹത്തെ തുടർന്ന് പാലായിൽ വീടിനുള്ളിൽ ഉറങ്ങിക്കിടന്ന മകന്റെ ശരീരത്തിൽ പിതാവ് ആസിഡൊഴിച്ചു. പാലാ അന്തീനാട് കാഞ്ഞിരത്തുംകുന്നേൽ ഷിനു(31)വിനാണ് പൊള്ളലേറ്റത്. സംഭവത്തിൽ പിതാവ് ഗോപാലകൃഷ്ണനെ പോലീസ് അറസ്റ്റ് ചെയ്തു. ചൊവ്വാഴ്ച്ച രാത്രിയായിരുന്നു സംഭവം. പിതാവും ഷിനുവുമായി തർക്കമുണ്ടാകുകയും പിന്നീട് മുറിയിൽ ഉറങ്ങിക്കിടന്ന ഷിനുവിന്റെ ശരീരത്തിൽ ഗോപാലകൃഷ്ണൻ ആസിഡൊഴിക്കുകയുമായിരുന്നു. 75 ശതമാനത്തിലധികം പൊള്ളലേറ്റ ഷിനു കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലാണ്. പിതാവും മകനും തമ്മിൽ തർക്കങ്ങൾ പതിവായിരുന്നതായി നാട്ടുകാർ പറയുന്നു. സംഭവത്തെ തുടർന്ന് ഒളിവിലായിരുന്ന ഇയാളെ തെരച്ചിലിനൊടുവിലാണ് പോലീസ് അറസ്റ്റ് ചെയ്തത്.
