കാഞ്ഞിരപ്പള്ളി: കച്ചവടത്തിനായി സൂക്ഷിച്ച 600 ഗ്രാം കഞ്ചാവുമായി കാഞ്ഞിരപ്പള്ളി സ്വദേശിയായ യുവാവിനെ പോലീസ് അറസ്റ്റ് ചെയ്തു. കാഞ്ഞിരപ്പള്ളി പട്ടിമറ്റം ചാവടിയില് വീട്ടില് സജോ (31) യെയാണ് കാഞ്ഞിരപ്പള്ളി പോലീസും ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡും ചേര്ന്ന് അറസ്റ്റ് ചെയ്തത്.
കാഞ്ഞിരപ്പള്ളി ഡിവൈഎസ്പി ജെ.സന്തോഷ് കുമാറിന്റെ നിര്ദ്ദേശപ്രകാരം എസ്എച്ച്ഒ ഇ.കെ സോള്ജി മോന്റെ നേതൃത്ത്വത്തില് എസ്ഐമാരായ ടി.ഡി മുകേഷ്, തോമസ് ജോസഫ്, എഎസ്ഐമാരായ പ്രദീപ്, ബിജുമോന്, ബേബിച്ചന്, ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡ് അംഗങ്ങളായ പ്രതീഷ് രാജ്, തോംസണ് കെ മാത്യു ,ശ്രീജിത് ബി.നായര്, ഷമീര് സമദ് 'അജയകുമാര് കെ.ആര്, അരുണ് എസ് എന്നിവര് ചേര്ന്നാണ് പ്രതിയെ പിടികൂടിയത്. മുന്പും ഇയാള് കഞ്ചാവ് കേസില് പ്രതിയാണെന്ന് പോലീസ് അറിയിച്ചു.കോടതിയില് ഹാജരാക്കിയ പ്രതിയെ റിമാന്റ് ചെയ്തു.
