തിരുവനന്തപുരം: യു കെയിൽ നിന്നും സംസ്ഥാനത്ത് എത്തിയ 2 പേർക്ക് കൂടി ഇന്ന് കോവിഡ് സ്ഥിരീകരിച്ചു. കഴിഞ്ഞ ദിവസം വരെ 32 പേർക്കാണ് രോഗബാധ സ്ഥിരീകരിച്ചിരുന്നത്.
ഇന്നലെ ആർക്കും രോഗബാധ സ്ഥിരീകരിച്ചിരുന്നില്ല. ഇതോടെ അടുത്തിടെ യു.കെ.യില് നിന്നും വന്ന 39 പേര്ക്കാണ് ഇതുവരെ കോവിഡ്-19 സ്ഥിരീകരിച്ചത് എന്ന് ആരോഗ്യ മന്ത്രി കെ കെ ശൈലജ ടീച്ചർ പത്രക്കുറിപ്പിൽ അറിയിച്ചു. രോഗബാധ സ്ഥിരീകരിച്ചവരുടെ സാമ്പിളുകള് തുടര്പരിശോധനക്കായി എന്ഐവി പൂനെയിലേക്ക് അയച്ചിട്ടുണ്ട്. ഇതുവരെ 12 പേരുടെ ഫലം വന്നു. അതില് ജനിതക വകഭേദം വന്ന വൈറസിനെ കണ്ടെത്താനായിട്ടില്ല എന്നും ആരോഗ്യ മന്ത്രി അറിയിച്ചു.
